- Advertisement -
भोटखोला गाउँपालिकाले शिक्षा तथा स्वास्थ्य क्षेत्रको सेवा प्रवाहलाई थप प्रभावकारी, पारदर्शी र व्यवस्थित बनाउन सामुदायिक विद्यालय तथा स्वास्थ्य इकाइहरूमा ई–हाजिर प्रणाली जडान गर्न थालेको छ। गाउँपालिकाको यस पहलले कर्मचारी तथा शिक्षकहरूको नियमित उपस्थितिको अभिलेख डिजिटल माध्यमबाट राख्ने व्यवस्था सुरु गरेको हो।
गाउँपालिकाका अनुसार ई–हाजिर प्रणाली लागू भएपछि विद्यालयका शिक्षक, कर्मचारी तथा स्वास्थ्यकर्मीहरूको दैनिक उपस्थितिलाई सहज रूपमा अनुगमन गर्न सकिनेछ। यसले सेवाप्रवाहमा सुधार ल्याउनुका साथै समयपालन र जिम्मेवारी बोधसमेत बढाउने अपेक्षा गरिएको छ।
- Advertisement -
हाल गाउँपालिकाका विभिन्न सामुदायिक विद्यालय र स्वास्थ्य संस्थामा उपकरण जडान तथा प्रयोग सम्बन्धी अभिमुखीकरण कार्यक्रम सञ्चालन भइरहेको छ। सम्बन्धित कर्मचारीहरूलाई डेटा व्यवस्थापन तथा नियमित प्रयोगबारे प्रशिक्षणसमेत प्रदान गरिएको गाउँपालिकाले जनाएको छ।
- Advertisement -
स्थानीयवासीहरूले पनि डिजिटल प्रविधिको प्रयोगमार्फत सुशासन कायम गर्न गाउँपालिकाले थालेको कदमको स्वागत गरेका छन्। सूचना प्रविधिको प्रयोगले प्रशासनिक कामलाई छिटो, सहज र पारदर्शी बनाउने विश्वास व्यक्त गरिएको छ।
गाउँपालिकाले आगामी दिनमा अन्य सार्वजनिक सेवा क्षेत्रहरूमा समेत यस्ता प्रविधिमैत्री प्रणाली विस्तार गर्दै लैजाने योजना बनाएको जनाएको छ।
- Advertisement -
